La romería
Hoy brilla el sol en'l cielo / ninguna nubi l'acompaña, / es el lunis más esperáu, / el primeru dispués de'el de pascua. // hoy es la romería, / la fiesta más campechana, / la de mayol coloríu / en la que tó s'engalana. // la de mayol devoción, / en la qu'al mesmu tiempu se reza, / se canta y se baila, al compás / de'el tamboril, al son de'una flauta. // - dami algu bonitu madri / que cubra bien tó l'albarda, / que voy adil a la'rmita / la grupa de mi jaca. // sembráu de colorinis / el caminu serpentea, / dende la crus las lagunillas / jasta la'ntrá de la jesa. // polos mojonis p'abaju / s'atisba la polvarera, / que levanta el gentíu / que camina a tóa príesa. // ogañu, train un palu mú largu, / para qu'alechal la bandera / se jaga un corru más grande / qu'elaltu de las eras. // por'l caminu avanti / galopa orgullosa mi jaca / y va aventandu a la genti / con'l polvu que levanta. // en la laguna el sapu / s'a deteníu mi yegua, / a contemplal su estampa / qu'en'l agua se refleja. // güelu a tomillu y a jara, / güelu a corchu y güelu a yerba, / mientras saltu los regatus / por'l mediu de la jesa. // ya llegamus a la'rmita / a cúmplil con las promesas / jechas a nuestra patrona / la reina de tó las reinas. // ya'nsoma el carru de'el mayordomo / con'l cura, los monagus y el sacristán, / ya'stán entrandu en'l valli, / ya s'oyi esti cantal. // viva la virgen nuestra patrona / qu'en nuestro pecho tiene su altar / y reine siempre triunfante cristo / que nuestro pueblo es noble y leal. ….. // la misa s'está acabando / es la hora de pujal, / a'nque me cuesti la vía / yo la tengu que sacal. // virgin santísima de gracia / que no mese vaya a lial, / qu'auna moza con esmeru / se la quieru dedical. // ya me jincu de röillas , / me santigu, la reverencia jagu ya, / comienza a sonal el cuero / y la flauta a resoplal. // tres güeltas jala derecha, / la bandera ondeandu está, / otras tantas a l'izquierda / para poéla deslial. // a mi novia l'a gustáu / y me la güelvi a pagal, / voy a'chala a ras de suelu / sin que lo llegui a tocal. // el palu ya se cimblea, / zumba la tela al volal, / tan solemni es el momento / que me paéci gravital. // la genti s'arremolina, / s'estrujan tós pol lleval / envolandas a la virgen / entri el fervol populal. // el recorríu s'acaba, / ya llegamus al final, / hay que metel a la virgin, / hay que golvel a pujal. // ¡ y pol la gloria de los míus / con ella tengu qu'entral! // ¡ viva la virgin de gracia! / dici una vosotros dend'atrás, / ¡ viva! contestamus tós / gritandu a cual más. // sobr'el mantel en'l suelu / se practica el güen llantal, / regáu con un pitarra / qu'acaricia el paladal. // a la hora de los postris / cuandu te'empiezas a modorral, / güelvi a resoplal la flauta, / güelvi el tamboril a sonal. // se forman cara a cara dos jileras, / mú largas, cuasi sin final, / es la jota de'esti pueblu, / es el himnu del lugal. // algunas parejas al pozu / el calol van a sofocal, / sabi dios sí esus caloris / con agua s'aplacarán. // otras van a la jerrumbrosa / comu tradición no secular, / a curalsi los reumas / en sus aguas oxidás // es hora de recogía, / el caminu enfilamus ya, / dend'el carru el mayordomo / s'escucha esti cantal. // siempre seremos tus fieles hijos / nuestra abogada siempre serás / y con tu ayuda perpetua siempre / derrotaremos a satanás. // …… // entri caballus y carrus / regresa coqueta mi yegua, / para que la miri mi novia / que celosa está de'ella.
c.m.e
[googlebarvip= 35].
Hoy brilla el sol en'l cielo / ninguna nubi l'acompaña, / es el lunis más esperáu, / el primeru dispués de'el de pascua. // hoy es la romería, / la fiesta más campechana, / la de mayol coloríu / en la que tó s'engalana. // la de mayol devoción, / en la qu'al mesmu tiempu se reza, / se canta y se baila, al compás / de'el tamboril, al son de'una flauta. // - dami algu bonitu madri / que cubra bien tó l'albarda, / que voy adil a la'rmita / la grupa de mi jaca. // sembráu de colorinis / el caminu serpentea, / dende la crus las lagunillas / jasta la'ntrá de la jesa. // polos mojonis p'abaju / s'atisba la polvarera, / que levanta el gentíu / que camina a tóa príesa. // ogañu, train un palu mú largu, / para qu'alechal la bandera / se jaga un corru más grande / qu'elaltu de las eras. // por'l caminu avanti / galopa orgullosa mi jaca / y va aventandu a la genti / con'l polvu que levanta. // en la laguna el sapu / s'a deteníu mi yegua, / a contemplal su estampa / qu'en'l agua se refleja. // güelu a tomillu y a jara, / güelu a corchu y güelu a yerba, / mientras saltu los regatus / por'l mediu de la jesa. // ya llegamus a la'rmita / a cúmplil con las promesas / jechas a nuestra patrona / la reina de tó las reinas. // ya'nsoma el carru de'el mayordomo / con'l cura, los monagus y el sacristán, / ya'stán entrandu en'l valli, / ya s'oyi esti cantal. // viva la virgen nuestra patrona / qu'en nuestro pecho tiene su altar / y reine siempre triunfante cristo / que nuestro pueblo es noble y leal. ….. // la misa s'está acabando / es la hora de pujal, / a'nque me cuesti la vía / yo la tengu que sacal. // virgin santísima de gracia / que no mese vaya a lial, / qu'auna moza con esmeru / se la quieru dedical. // ya me jincu de röillas , / me santigu, la reverencia jagu ya, / comienza a sonal el cuero / y la flauta a resoplal. // tres güeltas jala derecha, / la bandera ondeandu está, / otras tantas a l'izquierda / para poéla deslial. // a mi novia l'a gustáu / y me la güelvi a pagal, / voy a'chala a ras de suelu / sin que lo llegui a tocal. // el palu ya se cimblea, / zumba la tela al volal, / tan solemni es el momento / que me paéci gravital. // la genti s'arremolina, / s'estrujan tós pol lleval / envolandas a la virgen / entri el fervol populal. // el recorríu s'acaba, / ya llegamus al final, / hay que metel a la virgin, / hay que golvel a pujal. // ¡ y pol la gloria de los míus / con ella tengu qu'entral! // ¡ viva la virgin de gracia! / dici una vosotros dend'atrás, / ¡ viva! contestamus tós / gritandu a cual más. // sobr'el mantel en'l suelu / se practica el güen llantal, / regáu con un pitarra / qu'acaricia el paladal. // a la hora de los postris / cuandu te'empiezas a modorral, / güelvi a resoplal la flauta, / güelvi el tamboril a sonal. // se forman cara a cara dos jileras, / mú largas, cuasi sin final, / es la jota de'esti pueblu, / es el himnu del lugal. // algunas parejas al pozu / el calol van a sofocal, / sabi dios sí esus caloris / con agua s'aplacarán. // otras van a la jerrumbrosa / comu tradición no secular, / a curalsi los reumas / en sus aguas oxidás // es hora de recogía, / el caminu enfilamus ya, / dend'el carru el mayordomo / s'escucha esti cantal. // siempre seremos tus fieles hijos / nuestra abogada siempre serás / y con tu ayuda perpetua siempre / derrotaremos a satanás. // …… // entri caballus y carrus / regresa coqueta mi yegua, / para que la miri mi novia / que celosa está de'ella.
c.m.e
[googlebarvip= 35].
