Se lo dices cuando venga
Ya te lo ije, mujel,
q'abía q'andal con cuidiao;
pos al nuestro Moiseino
l'encuentro mu cambiao.
El siempri tan estudioso
y tan amante de casa,
ahora sali templano,
y juera el día se pasa.
No me gustan los premisos
tan largos del veraneo,
ni las malas Compañías
conque liao lo veo.
Ya sabis q'en estos pueblos
to se sabe, y se murmura
que con dali tantos mimos
nunca podrá sel buen cura.
D'esto mesmo ya m'ablao
esta tardi el boticario,
y m'a dicho: Moiseino
no güelve pal Seminario.
Y s'agraecen las frasis
de la genti de carrera,
q'esa genti cuando jabla,
antis de jablal lo piensa.
Cuando regresi a la nochí,
se lo ices, y l'espetas,
como tú sabis jacelo,
q'esas cosas son mal jechas.
Que si quieri divertilse
que se vaiga pa al jesa
a'scuajal los matorralis,
q'allí el demonio no tienta.
Se lo ices a la nochi,
se lo ices cuando venga,
que yo no sé discutil
porque m'engüelve y m'enrea
cuando me jabla en latín
namás pa que no lo entienda.
Le ices, que pa sel cura:
¡jace falta más maera!
Ya te lo ije, mujel,
q'abía q'andal con cuidiao;
pos al nuestro Moiseino
l'encuentro mu cambiao.
El siempri tan estudioso
y tan amante de casa,
ahora sali templano,
y juera el día se pasa.
No me gustan los premisos
tan largos del veraneo,
ni las malas Compañías
conque liao lo veo.
Ya sabis q'en estos pueblos
to se sabe, y se murmura
que con dali tantos mimos
nunca podrá sel buen cura.
D'esto mesmo ya m'ablao
esta tardi el boticario,
y m'a dicho: Moiseino
no güelve pal Seminario.
Y s'agraecen las frasis
de la genti de carrera,
q'esa genti cuando jabla,
antis de jablal lo piensa.
Cuando regresi a la nochí,
se lo ices, y l'espetas,
como tú sabis jacelo,
q'esas cosas son mal jechas.
Que si quieri divertilse
que se vaiga pa al jesa
a'scuajal los matorralis,
q'allí el demonio no tienta.
Se lo ices a la nochi,
se lo ices cuando venga,
que yo no sé discutil
porque m'engüelve y m'enrea
cuando me jabla en latín
namás pa que no lo entienda.
Le ices, que pa sel cura:
¡jace falta más maera!