Los farrapus del Harramplas
De qué se susprendin los japonesis con el nuestru Harramplas? Delos nabazus? Del hatu o del jeitu? Los canalis de comunicación folasterus muestran esta costumbri comu cosa estrordinaria i velaquí que Estremaúra guarda entovía muchus tesorus. Quiciá que lo que le susprenda sea que -con el conqui de- se conservin tradicionis antigüíssimas enos puebrus ondi la reziúra dela su genti, la tentigués i el respetu pola tradición no s'abaxan anti las maravillas dela teli.
Anda con el Harramplas! Sabin por qué lo llaman assina? Pa essu es precisu conocel la lengua delos nuestrus avuelus quien dizin "harrampu" al restu d'algu -no quearun ni harrampu en el pratu- i "farrapu" al cachu de tela rotu, un pingallu. Porque el Harramplas es el imagi del rebotallu delo malu i la genti es voluntosa de aventá-lu ca añu. Lo que es que el Harramplas es unu delos tantus ritus de espurechamientu enantis de las lavoris del campu, los preparus delas tierras i el tiempu dela primavera. Ansina las "carantoñas" del Aziúchi o las choscas que por estus días hazin en una tupa de puebrus estremeñus. Los romanus, que tan aparentis eran pa nombral las cosas, pusun "jeneru" por sel la puerta ianua = puerta i "hebreru" por espurechar februare = espurechar. Los estremeñus tardamus muchu en arrematal el añu, pos dendi las lumbris dela carvotá ata las candelarias estamus en el tiempu d'iviernu. Ara que vaiga la nuversidá a dal cuenta delo que perdemus pol desganu i el embargu dela zumba i el fubu! De continu la tradición brega contra la moa, peru mentris que la moa passa de repafilón assín comu alumbrandu, la tradición s'assienta enos coraçonis que sin entendé-la alas vezis enviertin en ritu i fiesta un añu i otru i otru.
De qué se susprendin los japonesis con el nuestru Harramplas? Delos nabazus? Del hatu o del jeitu? Los canalis de comunicación folasterus muestran esta costumbri comu cosa estrordinaria i velaquí que Estremaúra guarda entovía muchus tesorus. Quiciá que lo que le susprenda sea que -con el conqui de- se conservin tradicionis antigüíssimas enos puebrus ondi la reziúra dela su genti, la tentigués i el respetu pola tradición no s'abaxan anti las maravillas dela teli.
Anda con el Harramplas! Sabin por qué lo llaman assina? Pa essu es precisu conocel la lengua delos nuestrus avuelus quien dizin "harrampu" al restu d'algu -no quearun ni harrampu en el pratu- i "farrapu" al cachu de tela rotu, un pingallu. Porque el Harramplas es el imagi del rebotallu delo malu i la genti es voluntosa de aventá-lu ca añu. Lo que es que el Harramplas es unu delos tantus ritus de espurechamientu enantis de las lavoris del campu, los preparus delas tierras i el tiempu dela primavera. Ansina las "carantoñas" del Aziúchi o las choscas que por estus días hazin en una tupa de puebrus estremeñus. Los romanus, que tan aparentis eran pa nombral las cosas, pusun "jeneru" por sel la puerta ianua = puerta i "hebreru" por espurechar februare = espurechar. Los estremeñus tardamus muchu en arrematal el añu, pos dendi las lumbris dela carvotá ata las candelarias estamus en el tiempu d'iviernu. Ara que vaiga la nuversidá a dal cuenta delo que perdemus pol desganu i el embargu dela zumba i el fubu! De continu la tradición brega contra la moa, peru mentris que la moa passa de repafilón assín comu alumbrandu, la tradición s'assienta enos coraçonis que sin entendé-la alas vezis enviertin en ritu i fiesta un añu i otru i otru.
¡Poo jesu! ¡palanti!, aunque nos metan en la carci por decí: Antoniu, tengo mieu.
Bien, sacau.
Bien, sacau.
