Las zapatillas.-
Pos yo aquí, dondi lo vé, ya sé abrocharmi lah herbillah de lah alpergatah ¡Pa que lo sepáih! La der pie derechu l'h'abrochau un abujeru menu porque m’apreta muchu, que yo tengu el empeini der pie mu grandi; y me metin er deo chiquininu der pié pa drentu. ¿Ha que si, mama?
¡Si me s’habian rotu ¡Y me l’has ha arreglau mi agüelu con una puina, que l’ha recortau con loh alicatih y l’ha remachau bien arremachá con el mallu. ¡No ve que mi agúelu tiene una bigornia de zapateru y sabi arreglá zapatillah y tó! ¡Si m’ha jechu tamién unah albarcah de material! Y la suela l’ha recortao de la cubierta de una ruea, y l’ha cosiu con guita, y l’ha jechu loh abujerus con una legna. ¡Me jierin un poquinu atrá con el talón y m’han jechu una ampolla! Peru mi mama l’ha jechu un abujeru con una arfilé y s’ha saliu toa la pú y m’ha puestu un algodón untao en aguardienti y vinagri, y sal,. Ay! ¡Comu escueci! Y tamién l’ha puestu yodo, pa que no me s’infecti.
Han queau mu bonitah y mu blancah. ¡Lahé cepillaoh yo! Y han queau relucientih con el betún blancu. Que me s’habian embarrau porque metí loh pieh en un charcu sin queré.
¡Pos hala! Pa misa ¡Que y’han tocao!
JMGD.
Pos yo aquí, dondi lo vé, ya sé abrocharmi lah herbillah de lah alpergatah ¡Pa que lo sepáih! La der pie derechu l'h'abrochau un abujeru menu porque m’apreta muchu, que yo tengu el empeini der pie mu grandi; y me metin er deo chiquininu der pié pa drentu. ¿Ha que si, mama?
¡Si me s’habian rotu ¡Y me l’has ha arreglau mi agüelu con una puina, que l’ha recortau con loh alicatih y l’ha remachau bien arremachá con el mallu. ¡No ve que mi agúelu tiene una bigornia de zapateru y sabi arreglá zapatillah y tó! ¡Si m’ha jechu tamién unah albarcah de material! Y la suela l’ha recortao de la cubierta de una ruea, y l’ha cosiu con guita, y l’ha jechu loh abujerus con una legna. ¡Me jierin un poquinu atrá con el talón y m’han jechu una ampolla! Peru mi mama l’ha jechu un abujeru con una arfilé y s’ha saliu toa la pú y m’ha puestu un algodón untao en aguardienti y vinagri, y sal,. Ay! ¡Comu escueci! Y tamién l’ha puestu yodo, pa que no me s’infecti.
Han queau mu bonitah y mu blancah. ¡Lahé cepillaoh yo! Y han queau relucientih con el betún blancu. Que me s’habian embarrau porque metí loh pieh en un charcu sin queré.
¡Pos hala! Pa misa ¡Que y’han tocao!
JMGD.