¡A esí! ¡a esí! Al lairon, al lairon, gritaba una
goldinflona, barrigua y chequinina tahonera,
agilandu a saltinus, etras un jombri con'un pan
ebaju el brazu.
Al varullu, acudió deseguia una pareja de
cevilis entricorniaus y con güen lustri,
qu'estaban en la resolana comu de costumbri;
le dierun el altu (en nombri de la josticia altu,
altu o disparu) y el probi jombri se detubu en
secu, pol mo de las consecuencias.
¡Canaya! ¡Lairon! Siguia gañendu la barrigua
tahonera; Mas robau esí pan, silbengüenza,
bagu más que bagu, lairon más que lairon,
más te valia ilti a trebajal. ¡A la carcil!
¡A la carcil! Trai pa ca el pan qu'es miu y
que te den un güen escalmientu.
Los cevilis le ponin lah exposas y
emprencipian a dalli rempujonis con dirección
al juzgau de guardia, aondi ai un jué con cara
avinagrá y sin otru quehacel que solucional los
poblemas ajenus, sin habel siu escapá de
solucional los sullus.
Al entral e'na sala s'oyi al jué dandu mazazus
en'a mesa, gritandu to juera de sí, ¡silenciu!,
¡silenciu!, suh cayaih o mandu sus vayais pa
casa.
Cuandu no se oyi ni una mosca, chamulla
er jué, bamus a vel óste acontini.
Zeñol jué quierin estafalmi, tubi que peil un
prestamu al bancu pa poel pagal las boticas
que el meicu le redetaba a la mi mujel cuandu
tenia enfermeá, hipotecandu la casa que ereé
del mi pairi, que l'abia dejau er sullu, y pol que
no pueu pagal una mensualidá se quierin queal
con eya, cuandu pol lo menus vali cincu vecis
lo que me dierun, pol favol en nombri de la
josticia jaga óste argu.
Lo sientu, peru si óste a firmau pagal ca mes
una cantiá y no la tieni, (no abellu filmau) er
bancu tie el derechu a quealsi con la casa.
¡Asina son las leyis!
Tienis un mes pa desallojala, sino mandare
a los cevilis.
¡Abel el siguienti! Grita er jué.
Zeñol jué tenemus un lairon, lo hemus cogiu
con las manus en la maza, chamulla la pareja
de ceviles dandusi empoltancia.
¡Que ze espliqui!
Miri óste zeñol jué, llo solu soi un obreru, que
jaci cuatru mesis que no da gorpi pol farta de
trebaju y pel lo tantu, el mesmu tiempu sin entral
ná pa casa y lla s'an acabau las prebisionis,
tengu la mujel mala y tres chiquinus que tienin
jambri jasta de pan, y no tenemus ni un perru
chicu pa comprallo. Hoy sin poel aguantalmi y
con más guerbuenza que jambri, ie saliu a peil
argúna cariá, pa que los chiquinus se entrin argú
pal butragu y asina puean siquia engañal la
jambri; peru ná to zon ezcuzas y con'un perdoni
óste pol dió te dan con la puelta en las naricis;
Y he aquí, que al pasal pol frenti la tahona y
miral pa ella con el sentimientu de la mi familia,
ie vistu a la tahonera, que abia dau un pan
enteru y se desponia a dal otru a dos perrus
que tiíni, le contau las mis neseciadis y le
peiu pol fabol me diera el otru pan; Con un vaiga
óste a trebajal so golfu, se me solto sin más.
Endignau pol el ensultu y con las tripas jechas
gurronis al vel comu los perrus se tupian de pan
mentras la mi familia se moria de jambri sin
pensal en ná juí pa aondi eya y le quite el pan,
aluegu vinun los cevilis y man deteniu comu si
juera un creminal ezu es tó.
Y que quei bien claru que no lo sientu si no'es
pol la mi familia, lo he jechu y lo golvere a jacel
tantas vecis comu tenga nesecidá de ellu.
Los hechus an siu aceptaus, i a más enbes
d'estal arrepentiu, ici que golvera a jacellu,
pol tantu se le condena a tres mesis y un dia
d' arrestu carcelariu.
¡Asina son las leyis!
Las leyis las jacin los ricus y los ehtudiozus
pa castigal a cualquiera que pol nesecidá, coja
argú ca ellus les sobra, y al mesmu tiempu
protegelsi eyus, cuandu estafan y roban
cantidadis inmensas pasandu pol los abüjerinus
qu'an dejau abieltus y que solu eyus
compinchaus con otrus de la su calaña puein
utilizal.
goldinflona, barrigua y chequinina tahonera,
agilandu a saltinus, etras un jombri con'un pan
ebaju el brazu.
Al varullu, acudió deseguia una pareja de
cevilis entricorniaus y con güen lustri,
qu'estaban en la resolana comu de costumbri;
le dierun el altu (en nombri de la josticia altu,
altu o disparu) y el probi jombri se detubu en
secu, pol mo de las consecuencias.
¡Canaya! ¡Lairon! Siguia gañendu la barrigua
tahonera; Mas robau esí pan, silbengüenza,
bagu más que bagu, lairon más que lairon,
más te valia ilti a trebajal. ¡A la carcil!
¡A la carcil! Trai pa ca el pan qu'es miu y
que te den un güen escalmientu.
Los cevilis le ponin lah exposas y
emprencipian a dalli rempujonis con dirección
al juzgau de guardia, aondi ai un jué con cara
avinagrá y sin otru quehacel que solucional los
poblemas ajenus, sin habel siu escapá de
solucional los sullus.
Al entral e'na sala s'oyi al jué dandu mazazus
en'a mesa, gritandu to juera de sí, ¡silenciu!,
¡silenciu!, suh cayaih o mandu sus vayais pa
casa.
Cuandu no se oyi ni una mosca, chamulla
er jué, bamus a vel óste acontini.
Zeñol jué quierin estafalmi, tubi que peil un
prestamu al bancu pa poel pagal las boticas
que el meicu le redetaba a la mi mujel cuandu
tenia enfermeá, hipotecandu la casa que ereé
del mi pairi, que l'abia dejau er sullu, y pol que
no pueu pagal una mensualidá se quierin queal
con eya, cuandu pol lo menus vali cincu vecis
lo que me dierun, pol favol en nombri de la
josticia jaga óste argu.
Lo sientu, peru si óste a firmau pagal ca mes
una cantiá y no la tieni, (no abellu filmau) er
bancu tie el derechu a quealsi con la casa.
¡Asina son las leyis!
Tienis un mes pa desallojala, sino mandare
a los cevilis.
¡Abel el siguienti! Grita er jué.
Zeñol jué tenemus un lairon, lo hemus cogiu
con las manus en la maza, chamulla la pareja
de ceviles dandusi empoltancia.
¡Que ze espliqui!
Miri óste zeñol jué, llo solu soi un obreru, que
jaci cuatru mesis que no da gorpi pol farta de
trebaju y pel lo tantu, el mesmu tiempu sin entral
ná pa casa y lla s'an acabau las prebisionis,
tengu la mujel mala y tres chiquinus que tienin
jambri jasta de pan, y no tenemus ni un perru
chicu pa comprallo. Hoy sin poel aguantalmi y
con más guerbuenza que jambri, ie saliu a peil
argúna cariá, pa que los chiquinus se entrin argú
pal butragu y asina puean siquia engañal la
jambri; peru ná to zon ezcuzas y con'un perdoni
óste pol dió te dan con la puelta en las naricis;
Y he aquí, que al pasal pol frenti la tahona y
miral pa ella con el sentimientu de la mi familia,
ie vistu a la tahonera, que abia dau un pan
enteru y se desponia a dal otru a dos perrus
que tiíni, le contau las mis neseciadis y le
peiu pol fabol me diera el otru pan; Con un vaiga
óste a trebajal so golfu, se me solto sin más.
Endignau pol el ensultu y con las tripas jechas
gurronis al vel comu los perrus se tupian de pan
mentras la mi familia se moria de jambri sin
pensal en ná juí pa aondi eya y le quite el pan,
aluegu vinun los cevilis y man deteniu comu si
juera un creminal ezu es tó.
Y que quei bien claru que no lo sientu si no'es
pol la mi familia, lo he jechu y lo golvere a jacel
tantas vecis comu tenga nesecidá de ellu.
Los hechus an siu aceptaus, i a más enbes
d'estal arrepentiu, ici que golvera a jacellu,
pol tantu se le condena a tres mesis y un dia
d' arrestu carcelariu.
¡Asina son las leyis!
Las leyis las jacin los ricus y los ehtudiozus
pa castigal a cualquiera que pol nesecidá, coja
argú ca ellus les sobra, y al mesmu tiempu
protegelsi eyus, cuandu estafan y roban
cantidadis inmensas pasandu pol los abüjerinus
qu'an dejau abieltus y que solu eyus
compinchaus con otrus de la su calaña puein
utilizal.