CANTU A LA NUEVA JUENTI DE LA PLAZA
Los que habemos disfrutau
de los torus de la plaza,
toitus los que hemos jugau
junta al Rollo y en las lanchas,
estamos tan satisfechos,
con la nueva juenti clara,
con sus cabezas de lobus
viejo escudo de la raza.
La Serrailla, que es limpia
y aseá.
La Serrailla que es clara,
en la verdá,
ya tieni otra nueva juenti
inaugurá.
A su juenti del Capillu
(manantial),
a su juenti de las huertas
(bandoná),
a la vieja juenti Nueva
(sin edad),
y al agua de la del Jusu
(pa fregal),
se agriega una nueva juenti
(pa adornal).
Porque ya la Serrailla
tieni juentis a jartal,
porque cá uno en su casa
no tieni mas que apretal,
pa que salga el grifo lleno
de agua mu descapachá.
(Algunas vedis paici
que está comu embarbascá)
¡Arriba la Serrailla
pueblo con casta y solera!
Desparramaus tus hijus
por toa la faz de la Tierra,
añoran tus viejas callis,
tus miesis sobre las eras,
a las mozas en el baili,
a los niñus de la Escuela,
los viejos de las solanas,
mairis que se hicierun viejas,
peru que en nuestro recuerdu
siguin jóvenis y bellas.
Los que habemos disfrutau
de los torus de la plaza,
toitus los que hemos jugau
junta al Rollo y en las lanchas,
estamos tan satisfechos,
con la nueva juenti clara,
con sus cabezas de lobus
viejo escudo de la raza.
La Serrailla, que es limpia
y aseá.
La Serrailla que es clara,
en la verdá,
ya tieni otra nueva juenti
inaugurá.
A su juenti del Capillu
(manantial),
a su juenti de las huertas
(bandoná),
a la vieja juenti Nueva
(sin edad),
y al agua de la del Jusu
(pa fregal),
se agriega una nueva juenti
(pa adornal).
Porque ya la Serrailla
tieni juentis a jartal,
porque cá uno en su casa
no tieni mas que apretal,
pa que salga el grifo lleno
de agua mu descapachá.
(Algunas vedis paici
que está comu embarbascá)
¡Arriba la Serrailla
pueblo con casta y solera!
Desparramaus tus hijus
por toa la faz de la Tierra,
añoran tus viejas callis,
tus miesis sobre las eras,
a las mozas en el baili,
a los niñus de la Escuela,
los viejos de las solanas,
mairis que se hicierun viejas,
peru que en nuestro recuerdu
siguin jóvenis y bellas.