En diferentes zonas de la provincia de Llión la Osa Mayor ye conocida como El Carru, El Carro Triunfante o El Carrellín (tamién El Carrel. lín), pola sua forma que semeya un carru sin ruedas. Outramiente, la Osa Menor ye en Los Argüeyos La Madreña Taruguera, por recordar vagamente la sua figura a la del típicu calzáu llionés.
De carácter descriptivu ye’l nome llionés Sietrestrellu o Sietestrellos pa referise a Las Pléyades, al ser siete estrellas las que paecen formar esa constelación; outros nomes llioneses de la mesma son La Piña, por estar las estrellas n’apariencia mui xuntas anque bien diferenciadas, y Las Cabriellas, Las Siete Cabriellas o Cabrillas, denominación seique pastoril. En muitas variantes de La lloba parda, el más típicu romance pastoril llionés, apaez mentada esa constelación con esti nome, como vemos nesta estrofa d’una variante zamorana del romance:
Estando yo en la mi choza
pintando la mi cayata
Las Cabrillas altas iban
y la luna rebajada (…)
Un refrán de los Picos d’Europa llioneses diz que: Nun nacio ni nacerá el que Las Siete Cabriellas verá, y que alude a la dificultá que tienen dalgunos observadores pa ver las siete estrellas de la constelación ya qu’una d’ellas, Mérope, ye menos brillante y cuasi paez que seyan seis las estrellas axuntadas.
De matiz cristianu ye’l nome de Las Tres Marías, tres estrellas pertenecientes a la constelación d’Orión fácilmente reconocibles por apaecer alliniadas. Una tradición argoyana diz que cuando esti conxuntu d’estrellas tocaba aparentemente un determináu puntu de la tierra yera hora de finalizar los filandones. En L. laciana outru refrán recuerda idéntica tradición: Cuando las Tres Marías chegan al Tesetón, salen las mozas del filandón. A partir de determinada época del añu Las Tres Marías desapaecen del cielu llionés como remembra un ditu del valle del Esla: No ha nacido ni nacerá el que Las Tres Marías en mayo verá. Outru refrán d’esa zona resume asina las constelaciones más destacadas del firmamentu visible na nuesa tierra: Por lo más alto del cielo camina el Carro Triunfante, las Tres Marías detrás y el Siete Estrellos delante.
Por outru llau, el planeta Venus, visible solo al amanecerín ya al escurecerín, ye en llionés El Lluceiru. Nel Valle del Esla tamién se-y chama Arrata Yeguas, ya que la sua apaición celeste señalaba la hora d’arratar al ganáu caballar que se deixaba pastiando nos praos a primer hora de la mañana.
Nun inspiráu cantar llionés, y con esto remato esti breve repasu a l’astronomía popular llionesa, describese d’esti xietu tan poéticu el recorríu de las estrellas pol cielu nocturnu:
Las estrel. las cuerren, cuerren,
you nun deixo de correr,
ya onde m’alcuentre la nueite,
al- lí quiero arborecer
De carácter descriptivu ye’l nome llionés Sietrestrellu o Sietestrellos pa referise a Las Pléyades, al ser siete estrellas las que paecen formar esa constelación; outros nomes llioneses de la mesma son La Piña, por estar las estrellas n’apariencia mui xuntas anque bien diferenciadas, y Las Cabriellas, Las Siete Cabriellas o Cabrillas, denominación seique pastoril. En muitas variantes de La lloba parda, el más típicu romance pastoril llionés, apaez mentada esa constelación con esti nome, como vemos nesta estrofa d’una variante zamorana del romance:
Estando yo en la mi choza
pintando la mi cayata
Las Cabrillas altas iban
y la luna rebajada (…)
Un refrán de los Picos d’Europa llioneses diz que: Nun nacio ni nacerá el que Las Siete Cabriellas verá, y que alude a la dificultá que tienen dalgunos observadores pa ver las siete estrellas de la constelación ya qu’una d’ellas, Mérope, ye menos brillante y cuasi paez que seyan seis las estrellas axuntadas.
De matiz cristianu ye’l nome de Las Tres Marías, tres estrellas pertenecientes a la constelación d’Orión fácilmente reconocibles por apaecer alliniadas. Una tradición argoyana diz que cuando esti conxuntu d’estrellas tocaba aparentemente un determináu puntu de la tierra yera hora de finalizar los filandones. En L. laciana outru refrán recuerda idéntica tradición: Cuando las Tres Marías chegan al Tesetón, salen las mozas del filandón. A partir de determinada época del añu Las Tres Marías desapaecen del cielu llionés como remembra un ditu del valle del Esla: No ha nacido ni nacerá el que Las Tres Marías en mayo verá. Outru refrán d’esa zona resume asina las constelaciones más destacadas del firmamentu visible na nuesa tierra: Por lo más alto del cielo camina el Carro Triunfante, las Tres Marías detrás y el Siete Estrellos delante.
Por outru llau, el planeta Venus, visible solo al amanecerín ya al escurecerín, ye en llionés El Lluceiru. Nel Valle del Esla tamién se-y chama Arrata Yeguas, ya que la sua apaición celeste señalaba la hora d’arratar al ganáu caballar que se deixaba pastiando nos praos a primer hora de la mañana.
Nun inspiráu cantar llionés, y con esto remato esti breve repasu a l’astronomía popular llionesa, describese d’esti xietu tan poéticu el recorríu de las estrellas pol cielu nocturnu:
Las estrel. las cuerren, cuerren,
you nun deixo de correr,
ya onde m’alcuentre la nueite,
al- lí quiero arborecer