Pur quéi sedrá que "la Junta" y el Goviernu central sólu se ponen dalcuerdu pa tolu que suponga pérdida de riqueza y espreciu a la rialidá llïonesa? Pa tolu demás nun son a ponese dalcuerdu ni pal valor nominal de las monedas, peru si hai posibilidá de xenerare riqueza y reafirmare la hestoria de Llión, del País Llïonés y de sus xentes, entoncias, de xeitu milagrosu, surde una máxica complicidá ente ambas alministraciones y tolos ostáculos desapaecen y los caminos s´achanan. Si pusieran el mesmu interés pa solucionare dalguno de los nuesos problemas, el País Llïonés marcharái vientu en popa y nun habría quien a paranos. Eillos lu saben y pur esu cuandu alcuentran, pur erru ou pur casualidá dalgu cul más mínimu valor, fáltayes el tiempu pa echare tierra encima y intierralu cumu s´intierran los muertos que dan problemas.
Pur esu y purque pesia la sua política oscurantista trascendiéu´l feichu de los alcuentros nel yacimientu de Llancia y sobru tou purque ta entamandu a uerganizase un movimientu popular cun repercusión nos medios yá nun sólu llocales si non tamien autonómicos y nacionales, pur tou esu cuerre priesa sepultare pa siempres los hallazgos. cumu si una vuelta intirraos, nunca nun esistieran y asina tapare todas aqueillas boucas qu´entaman a glayare escontra la desidia de los nuesos políticos, que nun son a velare pula preservación del nuesu patrimoñu hestóricu y cultural. Agora más que nunca nun podemos deixare de glayare altu y claru, sin deixare de desixire responsabilidaes y p´aclarare d´onde vienen los intereses bastardos que quieren que Llancia desapaezca cumu tal.
Pur esu y purque pesia la sua política oscurantista trascendiéu´l feichu de los alcuentros nel yacimientu de Llancia y sobru tou purque ta entamandu a uerganizase un movimientu popular cun repercusión nos medios yá nun sólu llocales si non tamien autonómicos y nacionales, pur tou esu cuerre priesa sepultare pa siempres los hallazgos. cumu si una vuelta intirraos, nunca nun esistieran y asina tapare todas aqueillas boucas qu´entaman a glayare escontra la desidia de los nuesos políticos, que nun son a velare pula preservación del nuesu patrimoñu hestóricu y cultural. Agora más que nunca nun podemos deixare de glayare altu y claru, sin deixare de desixire responsabilidaes y p´aclarare d´onde vienen los intereses bastardos que quieren que Llancia desapaezca cumu tal.