No se yo que tengú;
no se que me pasa
cuandu barruntú que juniu s'acerca
que llega la siega, de las miesis pardas,
me se subi la sangri degolpi
to los malis d'enseguia se m'escapan,
comu espantaus de bel a los ombris
que con las ajocis trajinan sin pausa.
Campesino
Está es la cosecha
que emus trebajau
toitu el añu enteru,
detras e la yunta
dillendu y golbiendu,
sembrandu sin priesas
cantandu y sufriendu.
Esperandu a becis pa que amaini
otras amoinau porque nunca llueba
y es qué si el tiempu no pinta,
manque muchu trebajis
a becis no cogis, a becis na entra.
Por esu me sientu contentu
cuandu llega juniu con su calentera,
po ya pués tasar lo que sacas
pa riba o pa baju algunas fanegas,
hacel las cuentas pal añu que bieni
y sabel si mosquea,
endispues de comel tou el añu
alguna cosina, anquisea,
pa dil atapandu poquinu a poquinu
los agüjerinos
que entabia mosquean..
... (ver texto completo)
