Archivo histórico de Laviana
Era un día como hoy, jueves de mercau. El paisano había llevao la
vaca roxa al mercau de la Pola pa vendela y la paisanina tava esperando el resultao del tratu pa poder
comprar el suministro pa la
casa y, tal vez un corte de vestiu pa facer en la modista y poder estrenar por Ramos, ó en la
fiesta el pueblu.
El posible comprador de la gorra nun perdía detalle de la roxa, que mostraba unes buenes ubres y buena figura, pa ser vaca de llabor y de leche.
Los tratantes con la guiada pasaben de llargu, como nun interesandose por el animal; aunque, seguro que ya la habien visto y, a lo mejor, volverien luego.
Pasaba el
rio San Julián al descubiertu, a lo largo de la
plaza y un puentucu comunicaba la Pontona, con la
calle Atrás; donde esperaben varios chigres, con bolera, pa poder dir a tomar algo.
En la Plaza los Chorizos y la Plaza de les Teles varios tenderetes tendrien la su mercancía ya dispuesta, desde bien temprano.